John 17
E Ieesuß To Hin Marën A Vaßaus A Ma Vamomhë Peß
1E Ieesuß to vavaasis vahik en pa ma vamomhë peß pa ma soe peß, pareß ta peah na manuh pa vöön va kin, pareß soe vamanih pan, “Tamön, o poen peöß to tavus en, kuru nën se vatvus ke ra napan o kikis apuh peöß e Koaß teß pën, vamanih pa ö nöß se vatvus varuß ke ra napan o teß kikis apuh pën. 2Suk ataeah, eën to heß voh eom peöß pa tasun va pa matop a napan kurus. Köß onöt e noß pa heß o toßtoß tamoaan manih pa napan nën to heß voh a neoß, kee tavus ee a napan peöß. 3Ka manih po toßtoß tamoaan pamëh, no a napan se nat va ka no moah manih pan, eën e Sosoenën vamaman rakah, pare nat me a ne neoß, e Ieesuß Kristo, a teß nën to vanö voh maß. Köß nö maß manih po oeh vëh.4Eöß to nok vahik voh eoß pa ma kiu nën to vanö suk voh a maß neoß, pan eöß se nok. Ivëh, ka manih pa ma kiu poë varih ne eöß to vataare vahik eoß po kikis apuh pën manih pa napan. 5Tamön, taneo non po poen no oeh vëh to meß avoeß voh e non pa tavus maß, eöß to teß vaßpeh me voh e noß pën, paröß teß me voh e noß po kikis apuh. Kuru nöß to iu noß a ö nën se heß hah a neoß o kikis apuh pamëh, köß se teß vaßpeh me a nom oah.
6Eöß to vatvus vateeraß voh eoß pa ëhnöömah manih pa napan varih, nën to heß voh a neoß manih po oeh vëh, a napan pën poë varih to teß moaan voh e ne manih pën. Ee to këh voh maß a ma taateß hat va po oeh, pare vavatet vavih rakah e ne pa ma soe pën. 7Kuru nee to nat vavih rakah e ne pa ma moeh tah kurus nën to heß voh a neoß, to taneß vaviß voh ee maß manih pa koreomah. 8Suk ataeah, a ma soe kurus nën to heß voh a neoß, nöß to soe vahik ke voh eoß pee, kee kon ee. Ee to nat vavih rakah e ne peöß to taneß voh maß pën. Pare vaman e ne pën to vanö voh a maß neoß, köß nö maß manih po oeh vëh.
9Eöß to hinhin noß oah pan, eën se vaßaus raoe, eöß to hikta hinhin noß pan, eën se vaßaus a napan varih nën to hikta vaoe voh. Ahik, eöß to hinhin noß pan, eën se vaßaus varoe a napan varih nën to heß voh a neoß, suk ee ra napan pën. 10A napan kurus nöß to vaneah noß, ee ra ma teß kurus pën. Ka ma teß kurus nën to vaneah nom, ee a ma teß kurus me peöß. A ma taateß vih pa napan poë varih to vataare ne a ö no a taateß nenes peöß to teß va non.
11“Ka kuru, nöß to nö eoß nös pën. Eöß to hikta se teß varë hah noß manih po oeh vëh. Ee to hikta onöt ne a nö vaßpeh me a nös neoß maneom, ee se teß e ne manih po oeh. Ivëh Tamön, eën a vivihan. Eën no a hikta pah teß to teß va non manih pën. Manih po kikis va pa ëhnöömah, eën se matop vavih e nom pee. Ka manih po ëhnan pamëh, nën to heß voh eom peöß. Ivëh, kee se tavus paeh ee vamanih pa ö na to tavus paeh vavoh. 12Po poen neöß to teß vaßpeh me voh noß raoe, eöß to matop noß raoe po kikis va pa ëhnöömah. Ko ëhnan pamëh nën to heß pet me voh eom peöß. Köß matop e noß pee, ka hikta paeh va pee to ro. A paeh ro va pee to ro voh, ivëh, a teß vëh nën to vamatop keon voh, pan eën se miröß eah. Eß ivëh, se vapuh pa soe to kiun non po Puk Vapenpen pën, keß tavus vaman.
13Kuru nöß to nö e noß nös pën, paröß nonok noß a soe vaßih pa ö nöß to teß noß manih po oeh vëh, eöß to iu rakah noß o vaeö peöß se puh non manih pa ma kupu pee.
14Eöß to heß vahik eoß pee po vavaasis pën, ivëhkëk a napan va po oeh vëh to hat ov e ne pee. Suk ataeah, a napan peöß to hikta teß ne pan, ee ra napan va po oeh vëh. Eß to teß akuk va kov e non manih peöß to hikta teß noß pan, eöß a teß va po oeh vëh. 15Eöß to hikta hinhin noß nös oah pan, eën se kon këh raoe po oeh vaßih. Ahik, eöß to hinhin a noß nös oah pan, eën se matop vavih nom raoe, ke susun po oraß hat nat non miröß raoe. 16Ee to vavatet a nom oah sih, pare teß va e ne manih peöß. Ee to hikta teß ne pan, ee ro teß va po oeh vëh, vamanih peöß me to hikta teß noß pan, eöß a teß va po oeh vëh. 17Ahik, eën se nok raoe kee tavus a napan pën, köß iu noß pan, a soe man pën se kiu manih pa ma kokoman pee, kee tavus o teß vivihan manih pa soe man pamëh, eß a soe a man rakah. 18Moaan voh nën to vanö voh a maß neoß, köß nö maß, paröß teß noß topniira napan va po oeh vëh. Eß to vatoe akuk va kov e non manih pa ö nöß to vanö o teß varih, nën to heß voh a neoß, kee nö, pare teß vaßpeh me ne a napan va po oeh vëh. 19Ka manih pa vaßaus raoe, eöß to heß vahik rakah eoß pën po toßtoß peöß. Ivëh, keß man rakah e non pee se tavus ee a napan pën, pare nonok ne a ma kiu pën.
20“Ivëhkëk, Tamön, eöß to hikta hinhin noß pan, eën se vaßaus varoe a napan varih to teß vaßpeh me a ne neoß, ahik, eöß to hinhin noß a oah a ö nën se vaßaus o teß varih se tënan amot a soe pee, pare vaman a neoß. 21Tamön, eöß to hin noß nös oah pan, eën se nok raoe, kee tavus paeh vamanih pa ö na to teß va no sih poß. Eën to teß nom sih manih peöß, köß teß noß manih pën. Eöß to hin me noß nös pan, eën se nok raoe kee vapöh kokoman me a ra poß. Ivëh, ka napan va po oeh vëh ep, pare vaman ne a ö nën to vanö voh a maß neoß, köß nö maß ko tavus manih po oeh vëh. 22Eën to heß vahik voh eom peöß pa taateß nenes, eöß me to heß vahik voh eoß po teß varih nën to heß voh a neoß pa taateß pamëh. Ivëh, köß iu noß a ö nee se vapöh kokoman, pare tavus vamanih pa ö na to vapöh kokoman va no sih poß. 23Oman, eöß to teß noß manih pee, kën teß e nom manih peöß, ka manih pa taateß pamëh, nöß to iu noß a ö nee se vapöh kokoman rakah. Ka napan va po oeh se nat va ne manih pan, eën e Sosoenën to vanö voh a maß neoß, köß nö maß manih po oeh. Ee me se nat va e ne manih pën to iu e nom pa ma teß peöß, keß vatoe akuk va ko ve non manih pa ö nën to iu va ka nom neoß sih.
24Tamön, eöß to iu noß a napan varih nën to heß voh a neoß, se teß vaßpeh me a ne neoß manih pa vöön nöß to teß noß. Eöß to iu noß a ö nee se ep in o maaka me a tasun apuh peöß. Ko poen no oeh vëh to meß avoeß voh e non pa tavus maß, eën to iu voh e nom peöß, ivëh, nën to heß suk voh eom peöß po maaka me a tasun apuh. 25Tamön, eën a Totoopin rakah. A napan va po oeh vëh to hikta nat vavih ne pën, ivëhkëk, eöß koman to nat e noß pën. Ko kum teß varih nën to heß a neoß, ee me to nat e ne pën a teß vëh to vanö maß neoß manih po oeh vëh. 26Eöß to vatvus a ëhnöömah manih pee, köß se vavatvus avoeß ke noß pee pa ëhnöömah, kee sih kon a taateß iu teß vamanih pa ö nën to iu va ka nom neoß sih. Keöß me se teß e noß manih pee.
Copyright information for
TPZ